Falece Ramón Muntxaraz, un dos mais importantes independentistas galegos de esquerdas tras varios anos de loita e axuda os mais desfavorecidos.

Seria mesquinho, na situaçom actual do movimento independentista galego, julgar a valia dos nossos e as nossas militantes unicamente em funçom da adscriçom partidária de cada qual. Sabemos que há muitos e muitas compatriotas a construir País, a luitar pola classe trabalhadora, à margem das opçons organizadas, o que só constitui mais umha manifestaçom das insuficiências de todas elas, que NÓS-Unidade Popular assume criticamente como parte desse espaço sociopolítico.

Toca, em momentos tristes como este, diante da perda de um companheiro, reconhecer-lhe o muito que durante tantos anos fijo para a nossa causa comum e manifestar o respeito que a sua memória, doravante, vai merecer para nós.

É esse o caso de Ramom Muntxaraz. A trajectória deste companheiro, falecido no passado domingo, é umha mostra de entrega, generosidade e compromisso com as causas da emancipaçom nacional da Galiza e da derrota do capitalismo.

Militante de diferentes organizaçons soberanistas e independentistas, sempre de esquerda, durante as últimas décadas, envolvido profissionalmente na defesa das pessoas mais marginalizadas polo cruel capitalismo espanhol, as doentes mentais, Ramom Muntxaraz constitui um exemplo do que deve ser umha ou um militante independentista e socialista galego.

Por isso, nestes momentos de perda irreparável para o nosso povo trabalhador, de Xuventudes Vermellas queremos enviar as nossas condolencias à família e às amizades de Muntxaraz, junto ao nosso reconhecimento pola sua luita que, como as imprescindíveis, foi a luita de toda umha vida.