LIBERDADE PATRIOT@S GALEG@S!!!!

Carácter político do juízo

O cariz claramente político deste juízo, perpetrado no tribunal de excepçom permanente do Reino de Espanha, comprovou-se nas declaraçons do guarda civil e um dos polícias espanhóis, que intentárom nas suas declaraçons misturar os factos que deviam ser julgados com o movimento independentista galego, concretamente com a organizaçom juvenil AMI. Neste mesmos parámetros também se moveu o jornal espanholista El Correo Gallego no passado Sábado quando falava de "ideias programadas pola AMI". No mesmo sentido, intenta-se involucrar nos factos a Antom Garcia Matos, como suposto indutor e responsável ideológico da sabotagem.

As declaraçons

Enquanto ao imputado e à imputada, Ugio reconheceu a participaçom nos factos, embora negou-se a participar no processo declarando. Giana, pola sua parte, contestou às perguntas, negando toda participaçom no acto e reconhecendo a sua militáncia no independentismo galego.

Os apoios

Finalmente entrárom na Audiência Nacional espanhola a presenciar o julgamento quarenta e duas das perto de cem pessoas mobilizadas até Madrid para arroupar Ugio e Giana. Aliás da gente do independentismo galego, também acudírom em solidariedade castelhanos e cataláns. Umha vez dentro, fôrom desalojados polas FSE trás saudar Ugio e Giana.Amanhá às 10h30 começará a segunda sessom do juízo. Do galizalivre.org seguiremos informando de todo o que se passe na capital espanhola.